Ab Meri Nigahon Mein – Khalid Mehmood Khalid

Lyrics in Urdu

Ab Meri Nigahon Mein Jachta Nahi Koi

Jaisay Meray Sarkaar Hain Waisa Nahi Koi

Tumsa Tou Haseen Aankh Ne Dekha Nahi Koi

Ye Shaan-e-Latafat Hai Ke Saaya Nahi Koi

Ye Toor Say Kehti Hai Abhi Tak Shab-e-Mairaj

Sarkaar Ka Jalwa Hai Tamaasha Nahi Koi

Hota Hai Jaha Zikr Muhammad Kay Karam Ka

Uss Bazm Mein Mehroom Tamanna Nahi Koi

Aizaaz Ye Haasil Hai Tou Haasil Hai Zameen Ko

Aflaak Pe Tou Gumbad-e-Khizra Nahi Koi

Sarkar Ki Rehmat Ne Magar Khoob Nawaza

Ye Sach Hai Ke Khalid Sa Nikamma Nahi Koi

Leave a Comment

You must be logged in to post a comment.